You can exit this site at any time by clicking on the red button.
Association Violence que faire Secrétariat
Rue du Midi 8
1003 Lausanne
+41 (0)21 311 95 33
(Aspects administratifs uniquement)
pyetje? largohen

Ngatërresë app dhunë?

Shumicës së çifteve iu ndodh herë pas here të ngatërrohen me njeri-tjetrin. Mes partnerëve ndodh që të ketë zemërim, pa pasur ndonjë pasojë domosdoshmërisht negative. Dhuna në jetën bashkëshortore është një gjë tjetër. Dhuna ka efekt shkatërrues mbi të gjithë anëtarët e familjes. Kur ushtrohet dhunë, respekti për tjetrin dhe barazia mes partnerëve zhduket.

Dhuna në jetën bashkëshortore shfaqet në jetën e një çifti të martuar, por edhe kur ata bashkëjetojnë. Dhuna mund të shfaqet që në fillim  të një marrëdhënieje, pas disa vitesh jete të përbashkët apo në momentin e ndarjes.

Cikli i dhunës

Dhuna shfaqet në formë cikli. Në shumicën e rasteve, me kalimin e kohës, episodet e dhunës bëhen gjithnjë e më të shpeshta dhe sulmet gjithnjë e më të rënda. Nëse nuk ndërmerret asgjë për ndërprerjen e dhunës, ky shkallëzim mund të arrijë deri aty sa të shkaktojë plagë të rrezikshme për jetën, dëmtime të pariparueshme, deri në vrasje të viktimës.

1. Tensioni rritet

Komunikimi ndërpritet, partner/i/ja, i/e dhunsh(ë)m/e ka vështirësi të shprehë ndjenjat dhe kundërshtimet e tij/saj. I mbledh pakënaqësitë ose dëshiron të kontrollojë gjithçka dhe kundërshton bisedimet. Viktima i kap shenjat e dhunës dhe fillon të ketë frikë.

bej nje pyetje
2. Incidenti i dhunshëm

Partner/i/ja i/e dhunsh(ë)m/e shpreh dhunshmërinë e cila bëhet gjithnjë e më madhe. Viktima e zënë në kurth, e trembur dhe e pafuqishme, ka prirje t’u përshtatet kërkesave të partner/it/es.

bej nje pyetje
3. Pajtimi

Partner/i/ja i/e dhunsh(ë)m/e kërkon falje, premton se nuk do të përsëritet më, bën gjithçka që t`i falet gabimi. Viktima fillon t’i besojë dhe pranon kërkesën e tij/saj për falje. Ai/ajo zvogëlon aktet e dhunshme, i justifikon ato, flet për shkaqe të jashtme (stresi…) ose e akuzon viktimën. Viktima fillon të dyshojë tek vetvetja, ndjehet me faj dhe mendon se është ai/ajo që duhet të ndryshojë.

bej nje pyetje
4. Qetësia

Kriza harrohet. Sjelljet e dhunshme ndalen për pak kohë. Kjo është faza e « muajit të mjaltit », por kjo nuk zgjat shumë. Nëse asgjë s’ndërmerret, spiralja e dhunës, rifillon.

bej nje pyetje